"Безнең авыл машиналары" шөгыль конспекты(уртанчылар төркеме)

Максат: Балаларны төрле машиналар ясарга өйрәтү.Сәләтләрен үстерү.Машиналарның төрле детальләрен ясарга өйрәтү.Дәрестә игътибарлы булуларын таләп итү.

Җиһазлар:Рәсемнәр,карандашлар.

Барышы: 1.Оештыру өлеше.Дәрескә барлык кирәкле җиһазларны барлау.

2.-Балалар,үткән дәрестә без нәрсәләр ясадык әле? Нәрсәләр турында сөйләштек? Ничек итеп аларны ашатабыз? Бүген инде без сезнең белән авыл машиналары турында сөйләшербез.

-Безнең авылда нинди машиналар бар? Аларның барысының да нәрсәләре бар? Сез тагын нинди машиналар беләсез?(рәсемнәр карау,сораулар бирү һәм җаваплар алу).

-Хәзер инде шушы машиналарны биткә ясыйбыз. Кайсыгыз кайсын тели.

Башта кагыйдәләрне искә төшерик әле: а)матур итеп утыру.

б)карандашны уң кулга тоту,сулы белән битне тотабыз.

в)карандашны авызга капмыйбыз.

г)карандаш белән иптәшкә төртеп күрсәтмибез.

д)карандаш белән каты басып ясамыйбыз.

е)сорыйсы нәрсәне кул күтәреп сорыйбыз.

3.Мөстәкыйль эш( булдырмаган балаларга булышу)

4.Эшләрне карау,сорауларга җаваплар эзләү.

-Карандашларны куйдык.Айнур бөтен рәсемнәрне җыеп кил әле.(балалар өстәл янына җыелалар)

-Карагыз әле,менә монда ничек күп машиналар,төрлесе бар.Әйдәгез моны машиналар гаражы дип әйтик.

-Гаражда кайсы машина бик матур? Ә менә бу машиналарны әзрәк төзәтәсе бар.

-Бүген без сезнең белән машиналар турында сөйләштек.Нинди машиналар турында сөйләштек.Нинди машиналар барлыгын белдек.Киләсе дәрестә тракторлар турында сөйләшербез.Шушының белән дәрес тәмам.