6 сыйныф өчен эш программасы

6 нчы сыйныф өчен татар теленнән эш программасы түбәндәге дәүләт документларына нигезләнеп язылды:

1.”Татарстан Республикасы дәүләт телләре һәм Татарстан Республикасындагы башка телләр турында” Татарстан Республикасы законы (2004 ел,1 июль)

2. “2004-2013 нче елларга татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы Дәүләт программасы”(2004 ел, 11 нче октябрь)

3.Россия Федерациясенең 309-Ф3 номерлы Законы (2007 ел,1 нче декабрь)

4.Татар теленнән гомуми белем бирүнең дәүләт стандарты. ТР Мәгариф һәм фән министрлыгы.-Казан, 2008.

5.Татарстан Республикасының Мәгариф һәм Фән Министрлыгы тарафыннан расланган “Рус телендә урта (тулы) гомуми белем бирү мәктәбендә татар телен һәм әдәбиятын укыту программасы”, Казан “Мәгариф” нәшрияты, 2010.

Программа 105 сәгатькә исәпләнгән, шул исәптән 23 сәгать бәйләнешле сөйләм үстерүгә бирелде. Изложение -5, сочинение - 5, тәрҗемә итү күнегүләре – 3, диалогик сөйләм үстерү – 3, хикәя язу – 3 сәгать.

Эш программасын тормышка ашыру өчен түбәндәге төп укыту чарасы кулланыла: Татарстан Республикасының Мәгариф Министрлыгы тарафыннан тәкъдим ителгән “Рус телендә урта гомуми белем бирүче мәктәбенең 6 нчы сыйныфында укучы татар балалары өчен дәреслек” (авторлары: Н.В.Максимов, М.З.Хәмидуллина, Казан: Мәгариф, 2010 ел)

Эш программасы рус мәктәбендә укучы татар балаларына ана теле белеме тармагы - морфология буенча фәнни яктан белем бирүне, тел һәм сөйләм күнекмәләре булдыруны, гамәли юнәлештәге эшне тормышка ашыруны нигез итеп төзелде.

Дәресләрдә контрольга алу формасы буларак язма төр (диктант, изложение, сочинение, тест) һәм телдән сорау планлаштырыла.

Уку-укыту программасының максаты:

морфология тел белеме тармагын, аның төп өйрәнү объектларын үзләштерү, бәйләнешле сөйләмнең төрле формаларында сүз төркемнәрен урынлы куллана белү

Уку-укыту программасыныц бурычлары:

- мөстәкыйль сүз төркемнәреннән:исем, сыйфат, сан, рәвеш, алмашлык сүз төркемнәрен, аларның үзенчәлекләрен, лексик-грамматик, морфологик, синтаксик билгеләрен, кулланылышын, телдә тоткан урынын үзләштерергә;

- сүз төркемнәренә морфологик анализ ясауны үзләштерергә;

сүз төркемнәренең төрле формаларын сөйләмдә дөрес куллана белергә.