Рөстәм Мингалимнең “ Яшел күзле әнкәем” хикәсе буенча тикшерү эше үрнәге.

Башлангыч мәктәп өченче сыйныфының икенче яртыеллыгын тәмамлаганда укучының уку техникасы тикшерелә. Бу эш процессында түбәндәгеләргә игътибар ителә:

1) уку ысулы — сүзләп уку;

2) дөрес уку—әдәби әйтелеш нормаларын саклап, текстны хатасыз уку;

3) уку тизлеге — укыганны тулысынча аңлауны тәэмин итәрлек тиешле уку темпы булдыру, уку тизлеген эзлекле үстерү;

4) сәнгатьле уку — укыганда интонация, пауза, басым һәм башка чаралар ярдәмендә текст эчтәлегенә автор тарафыннан салынган фикерләр һәм хисләрне аерып күрсәтү, әсәр идеясен аңлавыңны уку процессында тавыш белән белдерү.

Ә иң мөһиме — укучының текстны аңлап укуы. Йөгерек уку үзмаксат булып тормый. Уку тизлеген укытучы укучының эзлекле үсеш дәрәҗәсен билгеләү, вакытында тиешле ярдәм күрсәтү максатыннан гына тикшерә ала. Таныш булмаган яки әле беренче тапкыр кычкырып укырга кушылган текстны укыганда, укучылардан сәнгатьле укуны да таләп итәргә ярамый.

Тикшерү эше эчтәлегенә укыганны ачыклауга (язучы, әсәр, герой исемнәрен белү), уку күнекмәләре үсеше дәрәҗәсен билгеләүгә (укыганны аңлату һәм бәяләү) һәм әдәби төшенчәләрне үзләштерү дәрәҗәсен ачыклауга карата биремнәр кертелә. Укучыдан барлык биремнәрне дә үтәү таләп ителми. Аның биремнәрне үз теләге буенча сайлап алу хокукы бар. Тикшергәндә үтәлгән биремнәр саны түгел, ә эшнең сыйфаты искә алына. Сайлап алынган 7 — 8 биремнең барысы да дөрес үтәлсә, эшкә уңай билге куела.

Түбәндә 3 сыйныфта уку буенча 2 яртыеллык өчен — тикшерү эше.

Балалар мөстәкыйль рәвештә дәреслектән (М.Х.Хәсәнов, Р.М.Миңнуллин, И.Х.Мияссарова. Уку китабы, икенче кисәк.)

Укучылар Р.Мингалимовны “Яшел күзле әнкәем”хикәясен укыйлар. Аннан соң түбәндәге тест биремнәрен язмача үтиләр.