Саулык-зур байлык

Мәктәпнең төп бурычы – яшь буынга белем һәм тәрбия бирү белән бергә аның сәламәтлеген саклау. Шуңа күрә мәктәптә укыту процессында балалар белән сәламәтлек турында әңгәмәләр һәм сәламәтләндерү чаралары үткәрү зарур.

Әлеге тәкъдим ителгән сыйныф сәгате сәламәт яшәү рәвешенең әһәмиятен, аның төп кагыйдәләрен төшендерергә ярдәм итә. Сыйныф сәгате материалыннан аңлашылганча, сәламәтлек түбәндәгеләргә бәйле:

1. Үзеңне сәламәт яшәү рәвешенә көйләргә, сәламәт булырга тырышырга. Бу – иң мөһиме.

2. Чиста, пөхтә булырга. Эш белән ялны аралаштырырга. Кояш, һава, су – сәламәтлекне ныгытуда кешенең иң якын дуслары.

3. Дөрес туклану.

4. физкультура күнегүләре ясау.

5. начар гадәтләрне юлдаш итмәскә.

6. Кеше үз хисләре, үз халәте белән идарә итә, тирә – юньдәге кешеләр белән дүстанә яшәргә тиеш.

Сыйныф сәгатенең максаты – балаларга тормышта иң кирәкле нәрсәнең сәламәтлек икәнен, моңа кеше, беренче чиратта, үз сәламәтлеге турында үзе кайгыртып ирешә алуын төшендерү.