Татар теленнән эш программасы 1 кл

Ф.М. Әлмиеваның 2014-15уку елына 1нче сыйныфта

татар теленнән эш программасына аннотация

1.Сәгатьләр саны: атнага 2сәгать, елга 66сәгать.

2.УМК: Россия мэктэбе, К.С. Фәтхуллова, Р.З.Хәйдарова Күңелле татар теле.1 нче сыйныф Казан 2011

3.Курсның максаты һәм бурычлары:

башлангыч мәктәп укучысының аралашу даирәсен, аралашу ситуацияләрен исәпкә алып, сөйләм эшчәнлегенең барлык төрләре (тыңлап аңлау, сөйләү, уку, язу) буенча укучыларда коммуникатив компетенция (аралашу осталыгы)формалаштыру;

укучының танып белү, гомуми уку күнекмәләрен, сөйләм культурасын үстерү;

татар милләтенә, аның тарихи һәм мәдәни хәзинәләренә карата хөрмәт тәрбияләү; укучыларны мәдәниятара диалогка тарту; татар телен дәүләт теле буларак өйрәнүгә ихтыяҗ тудыру.

Икенче сыйныфта укучы рус телле укучыларга тәкъдим ителгән укыту методик комплекты (УМК) коммуникатив технология принципларын исәпкә алып төзелгән.
Татар телен дәүләт теле буларак укыту түбәндәге максатларны күзаллый:

телне аралашу чарасы буларак өйрәнү;

укучыны рухи һәм әхлакый яктан тәрбияләү, укучыларның фикер йөртү, интеллектуаль һәм иҗади сәләтләрен үстерү;

укучының күпмилләтле җирлектә аралашу культурасын формалаштыру, татар халкының мәдәниятенә, милли үзенчәлекләренә карата хөрмәт хисе, толерантлык, мәдәниара диалогка осталык кебек универсаль шәхси күнекмәләр формалаштыру.

4. Программаны үзләштерүдән көтелгән нәтиҗәләр: Шәхси нәтиҗәләр:

шәхесара һәм мәдәниара аралашуда татар телен куллануга уңай караш булдыру;

татар теленә карата ихтирамлы караш булдыру һәм аны яхшы өйрәнү теләге формалаштыру;

ярдәмчеллек, башка кешеләргә карата кайгыртучанлык хисләрен тәрбияләү.

Метапредмет(регулятив, коммуникатив, танып- белү) нәтиҗәләре:

уку хезмәтеңә бәя бирә белү;

эш тәртибен аңлап, уку эшчәнлеген оештыра белү;

укытучының күрсәтмәләрен аңлап үти белү;

дәрескә кирәкле уку-язу әсбапларын әзерли белү, алар белән дөрес эш итә белү;

дәрестә эш урынын мөстәкыйль әзерли белү һәм тәртиптә тоту күнекмәләрен үстерү;

әңгәмәдәшеңең фикерен тыңлый, аралаша белү күнекмәләрен формалаштыру;

рәсем буенча җөмләләр, сораулар төзи белү;

укыганның эчтәләген аңлап, биремнәрне мөстәкыйль үтәү.

Предмет нәтиҗәләре:

Диалогик сөйләм

сайланган эчтәлек аша әңгәмәдәшең белән контакт урнаштыра, сорау куя, җавап бирә, кире кага, раслый белү;

дәреслектә бирелгән үрнәк диалогларны сәнгатьле итеп уку, сөйләү һәм охшаш диалоглар төзү; билгеле бер тема буенча кечкенә диалоглар төзи белү; программада күрсәтелгән коммуникатив максатлар буенча әңгәмәдә катнаша алу;

Монологик сөйләм

җанлы һәм җансыз предметларны, рәсем, картина эчтәлеген сурәтләп сөйли белү;

программада күрсәтелгән темалар буенча кечкенә информаөия бирә белү.

Тыңлап аңлау

нормаль темп белән әйтелгәннең мәгънәсен аңларга, аңлаган турында фикер йөртергә, аралашуда куллана белергә өйрәтү;

сүзләрне, сүзтезмәләрне, җөмләләрне, грамматик формаларны бер-берсеннән ишетү аша аерыргаөйрәтү;

ишетү хәтеренең күләмен үстерү.

Уку

хәреф-аваз системасын аера, татар теленә хас булган авазларны дөрес әйтеп укый белү;

дәреслектә уку өчен бирелгән җөмләләрне, текстларны дөрес интонация белән укый белү;

укыган материалның эчтәлегеннән кирәкле мәгълүматны аерып ала белү;

кечкенә күләмле шигырьләрне яттан сөйләү;

укыганда сүзлекләр куллана белү.

Язу

татар алфавитындагы хәрефләрне дөрес, матур яза белү;

дөрес күчереп язу күнекмәләрен булдыру;

бәйрәмнәр белән котлау язу.

5. Эш программасы аңлатма язудан һәм календарь-тематик планлаштырудан тора.