4 нче сыйныфта “Әдәби уку” фәне буенча эш программасы (база дәрәҗәсе)

Әдәби уку - башлангыч мәктәптә төп предметларның берсе. Бу фән аша кече яшьтәге мәктәп баласына һәрьяклы белем бирелә. Укучының аңы дөньяны - әдәби әсәрләрне генә түгел, безне чолгап алган тирәлекне – кешеләр һәм табигать дөньясына да - дөрес күзалларлык сизгер була. Бары тик югары аң тәрбияләп кенә, әйләнә-тирәлекне дөрес күзалларга мөмкин.

Башлангыч мәктәптә әдәби уку дәресләренең төп максаты; 4 ел уку дәверендә балада дөрес һәм йөгерек уку күнекмәләре булдыру, халык авыз иҗаты, язучы һәм шагыйрьләр әсәрләре белән якыннан таныштыру, чәчмә һәм шигъри әсәрләрне укып, эстетик ләззәт алырга өйрәтү. Укучыларда әдәби әсәрләрне аңларга һәм кабул итәргә өйрәтү, логик фикерләү сәләтен камилләштерү, рухи дөньяларын баету.

Укуга аңлы караш, уку күнекмәләре формалаштыру – “Әдәби уку” курсының төп бурычы. Әдәби уку курсының төп этик бурычларыннан булган әхлак, экология, ватанпәрвәрлек мәсьәләләре дәреслектә турыдан-туры үгет-нәсыйхәт бирү, махсус өйрәтү юлы белән хәл ителми, ә бәлки баланың табигать, тормыш-көнкүреш һәм яшәү тәҗрибәсенә нигезләнеп чишелә.