Главная / Старшие классы / Родной язык и литература

Синоним һәм антоним сыйфатлар.

Скачать
29.79 КБ, 292220.docx Автор: Мусина Гульгена Мунирзяновна, 20 Мар 2015

Дәрес программа буенча "Сыйфат" бүлегенә керә.

Дәрес тибы: яңа белемнәр формалаштыру дәресе.

Эш формасы: Дәрес барышында укучылар төркемнәрдә эшлиләр, традицион булмаган группалап (Сингапур методикасы буенча) утыру (йөзгә-йөз партнерлар, җилкәдәш партнерлар булып, бер өстәлдә 4 укучы утыра, өстәлдә Manage Mat ята). Ул укучыларны бер командада партнерлар булып эшләргә ярдәм итә торган табличка.

Дәрестә мин универсаль уку гамәлләренең төрле формаларын кулланырга тырыштым. Элеге гамәлләр төркемнәр белән, мөстәкыйль рәвештә, фронталь эш башкарганда тормышка ашырылды. Укучыларны мотивлаштыру өчен үзенчәлекле сәламләү формасын керттем, хат күрсәтеп, проблемалы сорау куйдым. Укучыларның эшчәнлегенең нәтиҗәлеген яхшыртыр өчен белемнәрне бәяләү критерийларын төзедем. Мондый гамәл укучыларны кызыксындыру чарасы буларак кулланылды. Төркемнәрдә эшләү кагыйдәләре белән таныштырдым.

Дәреснең оештыру этабыннан йомгаклау өлешенә кадәр эшчәнлек барышын һәм нәтиҗәләрен тикшереп һәм бәяләп бару тәэмин ителде. Укучыларга үз эшләрен бәяләп барырга җиңел булсын өчен, эш төрләре язылган дәфтәр булдырылды.

Дәресне балаларның яшь үзенчәлекләрен, яңа дәреснең заманчалыгын, тормыш белән бәйләнешен исәпкә алып төзедем. Укучыларның иҗади сәләтләрен, мөмкинлекләрен сынап карау максатыннан “Ялкын”, ”Салават күпере” җурналларына язылырга киңәш иттем.Үз укучыларымның язмалары белән таныштырдым, шулай итеп вакытлы матбугатка кызыксыну уяттым, дип уйлыйм.

Сингапур методикасы структуралары дәрестә алар уңай халәт тудырырга, балаларны бергә тупларга, белемнәрне ныгытырга ярдәм итте. Балалар бу эш төрләре ярдәмендә укучылар сыйфатлар турында үз фикерләрен җиткерделәр. Һәрбер эш төреннән соң рәхмәт әйтә белергә өйрәтү, шулай ук тәрбияви максатны күздә тотып оештырылды.

Эш төркемнәрдә, парларда оештырылды. Мондый эш формасы дәрестә барлык укучыларның да катнашуын тәэмин итте, эш төрләрен, биремнәр санын арттырырга ярдәм итте. Дәрестә һәрбер укучыга үзенең фикерен әйтү мөмкинлеге булдырылды. Бу укучыларны үзләрен шәхес итеп тоярга мөмкинчелек бирә. Дәрес барышында укучыларның белемнәрен, күнекмәләрен, осталыкларын мөстәкыйль рәвештә куллана белү эзлеклелеге тәэмин ителде. Яңа идеялар булган белемнәргә нигезләнеп бирелде, тормыш белән бәйләнеш күздә тотылды.


Автор: Мусина Гульгена Мунирзяновна
Похожие материалы
Тип Название материала Автор Опубликован