5нче сыйныфның рус төркемендә татар теленнән ачык дәрес план-конспекты"Куркак юлдаш"тексты өстендә эш.

Бердәм дәүләт тестына әзерлекне башлангыч һәм урта сыйныфлардан ук алып барырга кирәк.Мин 5нче сыйныфның рус төркемнәрендә Р.З.Хәйдәрова дәреслеге белән эшлим.Бердәм дәүләт тестына әзерләнү элементларын дәресләрдә кулланам. Текст өстендә эшли башлаганчы,дуслык турында әңгәмә алып барыла,кеше характерының уңай һәм тискәре яклары искә төшерелә.Бер укучы дусты турында сөйли.Яңа материал өйрәнгәндә,лексика өстендә эш,сүзтезмәләр төзү эше башкарыла.Аннан соң текст укыла,тәрҗемә ителә.Ныгыту өлешендә Билгесез үткән заман хикәя фигыльләр табыла. Бердәм дәүләт тестында кулланыла торган биремнәр эшләнелә.Карточкалар белән эш,Сүз тәртибен үзгәртеп,дөрес җөмләләр төзү,ситуатив күнегүләр эшләү.Рәсем буенча кыскача эчтәлеген сөйләү.Йомгаклау.