Главная / Дошкольное образование / Развитие речи

Зурлар төркеме өчен бердәм белем бирү эшчәнлеге конспекты Тема: “Сандугачлы аланга сәяхәт”

Скачать
20.79 КБ, 1217685.docx Автор: Зиатдинова Ильгиза Ильгизовна, 15 Окт 2015

Мәктәпкәчә белем бирү муниципаль бюджет учреждениесе

гомүми үсеш төрендәге 3 нче “Ләйсән” балалар бакчасы

Зурлар төркеме өчен бердәм белем бирү эшчәнлеге конспекты

Тема: “Сандугачлы аланга сәяхәт”

Тәрбияче: Зиатдинова Илгизә Илгизовна

Тема: «Сандугачлы аланга сәяхәт »

Катнашалар: 12 бала һәм Белмәмеш.

Максат: Балаларның белемнәрен системалаштыру, камилләштерү.

Тәрбия бурычы:иптәшләренә карата дустанә мөнәсәбәт, матур сөйләм күнекмәләрен тәрбияләү.

Белем бирү бурычы: юлларда хәфәвсез йөрү күнекмәләрен үзләштерү; балаларның иҗади сәләтләрен үстерү.

Методик алымнар һәм чаралар:сюрприз,әңгәмә, сораулапрга җавап бирү,күргәзмә материаллар, техник чаралар куллану,мактау,практик эш,уен. Җиһазлау:магнитофон, бала санынча тозлы камыр, куна, уклау,формалар,дымлы салфеткалар, 1 кәрзин, юл, чәчәкле алан.

Эшчәнлек барышы.

Тәрбияче:Хәерле көн балалар. Кәефләрегез ничек? Балалар, бирегез әле кулыгызны, кулыгыздагы җылыгызны..Балалар,без кулларны тотынышкач рәхәт һәм җылы булып китте.Елмая- көлә кояш ,сез дә елмаегыз бераз.Менә хәзер бигрәк тә күңелле булды.Сезнең елмаю башкаларга да күчсен. Аларның да кәефләре күтәрелсен.

Балалар, нинди тавыш ул, карыйм әле, яме (ишектән карый) Ә-ә-ә, бу бит Белмәмеш, син ничек монда килеп эләктең?

Белмәмеш: Ой, мин кая эләктем. О-о-о, күпме балалар. Мин, Белмәмеш булам – Чәчәкләр иленнән.Нинди матур бина диеп, бирегә кергән идем.Балалар бакчасы икән бит бу.Исәнмесез балалар.

Тәрбияче: Әйе, безнең “Сандугач” балалар бакчасы бу.Түрдән уз Белмәмеш.

1 бала: шигырь.

Сайра,сайра сандугачкай,

Сайрачы таңнар тугач.

Әй күңелле бакчабызда.

Сандугач сайрап торгач.

Чүт-чүт итеп сайрый бит ул,

Бакча моңга күмелә.

Сандугачның җырын тыңлау,

Әй, рәхәт шул күңелгә.

Тәрбияче: Безнең бакчага юкка гына “Сандугач” дип исем бирмәгәннәрдер.Чөнки Сандугач моңлы кош.Ә без җырга-моңга бай җирлектә яшибез.Безнең Сарман җирлегеннән талантлы шәхесләр Илһам Шакиров,Зөһрә Сәхәбиева, Зөхрә Шарифуллина Һ.б.чыккан.(слайд)

Районыбызның гербына да игътибар итегез әле.Анда да бит Сандугач сүрәтләнгән.(слайд)

Тәрбияче: Балалар, әйдәгез без сезнең белән бүген Сандугачлы аланга сәяхәткә чыгыйк.Белмәмеш син дә безнең белән барырсың.

Белмәмеш: Мин бармыйм.

Тәрбияче:Нигә бармыйсың?

Белмәмеш: Анда урамнар бик зур,машиналар да күп йөри.

Тәрбияче: Борчылма, без сиңа булышырбыз. Чыннан да балалар Сандугачлы аланга барганда безгә олы юл аша чыгарга кирәк.Балалар, карагыз әле (алда ике төрле юл ята-киң һәм тар юл), монда ике юл киткән, без кайсы юлдан барырбыз? Киң юлдан безнең нәрсәләр йөри әле?

Тәрбияче:Дөрес.Ә тар юлдан кемнәр йөри?(Кешеләр, балалар.)

Тәрбияче::Кешеләр йөри торган юл нәрсә дип атала? (Тротуар.)

Тәрбияче: Без барырга әзер.Балалар, кунака буш кул белән барып булмый бит.Нәрсә җитми безгә.(Күчтәнәч)

Әйдәгез балалар,күчтәнәч әзерлик.(3 мин)

Тыныч музыка куела,тозлы камырдан печенилар әзерләнә, тәрбияче шәхси ярдәм күрсәтә. Менә безнең камырдан ясалган әйберләр әзер. Без аларны ашханәгә кертик, пешекче апалар пешереп бирерләр.

Бармак гимнастикасы.

Бу бармак-Сандугач,

Бу бармак-Карлыгач,

Бу бармак-Сыерчык,

Бу бармак-Чыпчык,

Ә бусы бик кечкенә,

Тимәгез нәниемә,

Нәнием – чәнтиемә.

Тәрбияче:Күчтәнәч әзер балалар,юлга кузгалыйк.

Бергәләп:

Тротуардан атлыйбыз(балалар бер урында атлыйлар)

Кагыйдәне саклыйбыз (бармак белән яныйлар)

Урам аша чыкканда (аякларны югары күтәреп)

Сулга, уңга, карыйбыз.

Тәрбияче: Карагыз әле, балалар,нинди матур алан. Сандугачлар сайрый.(Сандугач тавышы)

Түгәрәк уен

Р.Сәлмаәнов муз., М.Бикбова сүз.

Бир кулыңны, бир кулыңны, Кулга кул тотынышып, түгәрәк ясап

Булсын әле түгәрәк. әйләнәләр.

Әйе шул, әйе шул, .

Булсын әле түгәрәк.

Кулларыбызны күтәреп, Кул чабалар.

Чәп-чәп итеп кул чабыйк. .

Әйе шул, әйе шул,

Чәп-чәп итеп кул чабыйк.

Ягез әле, тыпырдап, Ике аяк белән тыпырдыйлар.

Бергәләп биеп алыйк.

Әйе шул, әйе шул,

Бергәләп биеп алыйк.

Тәрбияче:Балалар ,әйдәгез әзерләп килгән күчтәнәчебездән авыз итеп алыйк.

Белмәмеш:Миңа сезнең белән бик күңелле булды,инде миңа китәргә вакыт.

Акыллы һәм матур булсын,

Сезнең һәрбер эшегез.

Мин әле тагын килермен,

Хәзерләнеп торыгыз

Күп нәрсәгә өйрәнегез,

Ә хәзергә хушыгыз. (Китә)

Тәрбияче:Безгә дә бакчабызга кайтырга вакыт ,балалар.Безне күп төрле башка эшләр дә көтә


Автор: Зиатдинова Ильгиза Ильгизовна
Похожие материалы
Тип Название материала Автор Опубликован