Батулла "Аю Әппәс" әкиятен уку (педагогик киңәшмә өчен ачык эшчәнлек)

Тема: Батулланың “Аю Әппәс” әкиятен уку.

Бурычлар: 1) балаларга әкиятнең эчтәлеген истә калдырырга һәм сорауларга җавап бирергә ярдәм итү; тәрбияче артыннан персонажларның кайбер фразаларын кабатлау; яшелчәләрнең характерлы билгеләрен ачыклауларына ирешү;

2) балаларның игътибарын, кабул итүләрен, күзәтүчәнлеген, хәтерен, конкрет-образлы фикерләвен, сыйфатлар хисабына сүзлек байлыгын (эшчән, бәләкәй,юмарт) үстерү;

3) балаларда бергә шөгыльләнү, сорауларга җавап бирү теләге, бер-береңә карата уңай сыйфатлар тәрбияләү;

4) инглиз телендә яшелчәләрне әйтә белергә өйрәтү, истә калдырырга ярдәм итү.

Белем бирү өлкәсендә программа эчтәлеген тормышка ашыру: “Танып белү”, “Физкультура”, “Сөйләм телен үстерү”, “Социаль-коммуникатив”,”Сәнгати - эстетик”.

Балалар эшчәнлеге төре: уен, хәрәкәт, аралашу, танып белү.

Әзерлек эше: Балаларның сүзлек байлыгын,хәтерен, фикерләвен үстерү.; уңай сыйфатлар тәрбияләү.

Җиһазлар: кәрҗингә салынган яшелчәләр, аю баласының, кишер, кәбестә, чөгендер, кыяр, помидор, шалкан түтәленең контурлы сурәтләре; яшелчәләр, пластилин, такта, салфеткалар.

Эшчәнлек барышы:

Оештыру моменты:

-Исәнмесез, хәерле иртә!(балалар җавабы) Здравствуйте, доброе утро!(балалар җавабы) Hello!(балалар җавабы).

-Хәлләрегез ничек?(балалар җавабы) Как у вас дела?(балалар җавабы) How are you? (балалар җавабы).

-Тынычлынып утырыгыз. Садитесь на свои места. Sit down, please.

Сюрприз момент: (ишек шакыган тавыш ишетелә, бер бала ишек янына барып карый, берәү дә юк, тагын ишек шакыйлар, тәрбияче чыгып кәрҗин алып керә; кәрҗин капланган, аңа хат салынган).

Тәрбияче: Балалар, кәрҗин гади генә түгел икән бит, анда тапкырларга табышмаклар бар, табышмакларның җавапларын белсәк кәрҗиндә нәрсәләр икәнен белербез:

1.Җир астында алтын казык,

Алдык без аны казып.(Кишер).

2. Утыра бер ак чүлмәк,

Өстенә кигән йөз күлмәк. (Кәбестә)

3.Җир астында кызыл әтәч (Чөгендер)

4. Кечкенә генә йорт,

Эче тулы корт.(Кыяр)

5. Итләч, йомры, яшелен

Өзеп алдым яшердем;

Гаҗәпләндем бераздан:

Кояшсыз да кызарган. (Помидор)

6. Ите симез – мае юк,

Тиресе калын – йоны юк. (Репа)

(кәрзиндә яшелчәләр-кишер, кәбестә.чөгендер,кыяр,помидор,шалкан)

-Балалар, яшелчәләрне туган телебез дә әйтеп чыктык, әйдәгез хәзер рус телен дә әйтеп чыгыйк: морковь, капуста, свекла, огурец, помидор, репа

-Булдырдыгыз, яшелчәләр инглиз телендә ничек булалар икән, мине игътибар белән тыңлагыз әле: carrot, cabbige,beetroot,cucumber,tomatoe,turnip.

-Әйдәгез, хәзер бергәләп кабатлыйк.

Ял минуты.

Аюның өе зур-(кулларны өскә күтәрәләр)

Куянныкы кечкенә(чүгәлиләр)

Аю бара алпан - тилпән (алпан-тилпән йөрү)

Ә куяннар сикерә (сикерү).

Тәрбияче: -Балалар мин сезгә бер аю баласы һәм яшелчәләр турында бер әкият сөйлим, тыңлагыз әле. (Сөйләм рәсемнәр күрсәтү белән үрелеп барыла.)

-Балалар, әйдәгез, сорауларга җавап биреп карыйк.

-Аю баласының исемен әйтегез әле.

-Аю баласы нинди?

-Аю Әппәс нәрсәләр утырткан?

-Кайчан утырткан?

-Көз җиткәч, аю баласы нишләгән?

-Әйтегез әле, яшелчәләрне ашаганда, Аю Әппәс нинди сүзләр әйткән?

-Без дә Аю Әппәснең сүзләрен кабатлыйк әле: мәм-мәм мәм, баллы, тәмле, татлы, мәми.

-Иң беренче булып аю баласы янына нәрсә килгән?

-Куянга Аю Әппәс нәрсә биргән?

-Куян ничек итеп аю баласына рәхмәт әйткән?

-Аю Әппәс тагын нәрсәләрне яшелчә белән сыйлаган?

-Аю баласы турында нәрсә әйтергә була?

-Булдырдыгыз, балалар.

Әвәләү

-Балалар, Аю баласы җәнлекләрне сыйлый-сыйлый үзенеҗ кышка яшелчәләре аз калды, әйдәгез аңа кишер әзерләп бирик.

-Кишерне ничек әвәлибез?

-Әйдәгез,эшне башлыйбыз.

Йомгаклау

-Балалар, бүгенге эшчәнлектә без нинди яңалык белдек?

-Сезгә нәрсә ошады?

-Сез тагын нәрсәләр эшләр идегез?

_Барысы өчен дә сезгә зур рәхмәт.

-Сау булыгыз! До свиданья! Good bye!