гади математика

Сафина Гөлия,Арча районы Ашытбаш балалар бакчасы тәрбиячесе

Танып белү(иң гади математик күзаллауны формалаштыру)

Тема: “Геометрик фигуралар”

Максат: Рәттән торган саннарны чагыштыру күнекмәләрен ныгыту,геометрик фигуралар турында белемнәрен тирәнәйтү.

Бурычлар: атна көннәрен өйрәнү;

Математика белән кызыксынуны арттыру;

Уйны һәм хәтерне үстерү;

Бер-береңне тыңларга өйрәтү;

Җиһазлау: геометрик фигуралар,уенчык аю,кәгазь битләре,уенчык машина.

1.Оештыру өлеше: Тәрбияче: Балалар, без бүген Аю белән бергәләп табышмаклар иленә сәяхәткә барабыз.

-Аюның өстәлендә бик күп фигуралар ята. Карагыз әле.(өчпочмак күрсәтә)

- Аю безгә бер фигура күрсәтте,ә аның өч почмагы, өч ягы, өч очы бар.

-Мин бу фигура турында табышмак беләм:

Аны бик тиз танырсың син,карау белән

Чөнки өч почмагы, өч яны, өч очы бар,

Һәм бу аңа бик ошый, чөнки ул...(өчпочмак)

Балалар:өчпочмак.

Тәрбияче: Дөрес.

-Ә менә бу нинди фигура?- дип сорады Аю.(квадрат күрсәтә)

-Бу фигура турында да мин табышмак беләм.

Тигез аның һәр ягы

Почмагы аның туры

Сезнең белән танышуына шат

Исеме аның..( квадрат.)

-Балалар,ә сез квадрат турында тагын нәрсәләр беләсез?

-Монда тагын бер сәер квадрат бар! - дип әйттеАю.

-Балалар, ә бу нинди фигура?(турыпочмаклык күрсәтә)

-Турыпочмаклык.

-Балалар, Аю бик арган, һәм аның ял итәсе килә.

2.Физкультминутка.

Бер,ике,өч!

Аюларда бөтен көч! (кулларын иң өстенә күтәрәләр,як-якка җәяләр)

Дүрт,биш!

Безне җиңеп булмый һич.(гәүдәне бер артка,бер алга ияләр)

Алты, җиде!

Аюлар башын иде.(башларын ияләр)

Сигез,тугыз,ун!

Алты аю, алты тун.(куллар,бармаклар ярдәмендә саныйлар)

Кушаяклап сикерик тә,

Урыныбызга утырыйк.(сикереп алалар да, утырышалар)

3.Тәрбияче: Балалар,менә бу машинаның көпчәкләре нәрсәгә охшаган

-Түгәрәккә.

-Тагын бер сәер түгәрәк бар монда – ди Аю.(овал күрсәтә)

-Мин бу фигура турында да табышмак беләм.

Кечкенә генә малай

Ясап куйды түгәрәк

Фил түгәрәккә басты

Һәм килеп чыкты..

Балалар: Овал.

Тәрбияче: Ә бу нинди фигуралар?

-Трапеция, ромб.

-Хәзер аю бөтен фигураларның да исемнәрен белә.

4.Кәгазь битендә ориентлашу.

Тәрбияче: Кәгазь битендә шушы фигураларны ясагыз.

Кәгазь уртасына – өчпочмак, өчпочмактан уңда – квадрат, сулда – турыпочмаклык, турыпочмаклык өстендә – овал, өчпочмактан өстә – түгәрәк, квадраттан аста – трапеция,

өчпочмактан аста – ромб.

-Ничә фигура килеп чыкты, санагыз әле.

- Җиде.

-Цифрларның күршеләрен әйтегез:1,3,5,7,9,2,4,6,8,10.

-Дөрес балалар.

5.Атна көннәре.

Тәрбияче: Аю сезнең атна көннәрен белүгезне тикшерәсе килә.Сезгә сорауларга җавап бирәсе була.

1. Атнада ничә көн?(җиде).

2. Атнаның беренче көнен әйтегез?(дүшәмбе)

3. Аның артыннан килгән көн?(сишәмбе).

4. Ул атнаның ничәнче көне?(өченче).

5. Пәнҗешәмбе һәм шимбә арасында нинди көн?(җомга)

Математик табышмаклар:

Тәрбияче: Аю сезгә табышмаклар әзерләде.

1.Куян янына дусты килде,

Куян дустын кишер белән сыйлады

Икешәр кишер ашадылар

Күпме булды барысы?(дүрт)

2.Керпе урман буйлап

Гөмбә җыеп йөри.

Каен яныннан икене,

Усак яныннан берне,

Күпме булды уйлап тап.(өч)

3.Тавык урамда йөри,

Чебиләрен ияртеп.

Җидесе алдан чаба,

Өчесе артта кала

Бик борчыла тавык,

Саный алмый һич.

Ничә чебие булган,

Югалмаганнардыр ич?(ун)

4.Җиде шат күңелле аю,

Җиләк ашарга баралар.

Берсе арып киткән,

Дусларыннан калган.

Ә хәзер җавабын тап-

Алда ничә аю бара?(алты)

Йомгаклау.

-Сезгә аю белән кунакка бару ошадымы?

-Без нәрсәләр өйрәндек?

-Табышмаклар охшадымы?