Урок по татарскому языку в 3 классе по теме "Множественное число имен существительных"

3 нче сыйныфта татар теленнән дәрес эшкәртмәсе

Тема: Исемнәрнең күплек саны.

Максат:

1. Укучыларның исем темасы буенча алдагы дәресләрдә өйрәнгән белемнәрен: мәгънәсен, сорауларын искә төшерү, сөйләмдә дөрес куллана белү күнекмәләре булдыру, исемнең берлек һәм күплек санда килүен аңлату, күплек сан кушымчалары белән таныштыру; дөрес язарга, дөрес аңлап укырга өйрәтү.

2. Бәйләнешле сөйләм телен үстерү

3. Фәнгә кызыксыну, укуга теләк уяту, укучыларның сәламәтлекләрен саклауга ирешү.

Дәрес технологиясе: үстерелешле укыту.

Җиһазлау: компьютер, проектор, экран, тема буенча мультимедиа презентация, кагыйдәләр, схемалар, карточкалар, татар теле дәреслеге, магнитлар .

Дәрес барышы.

1. Оештыру.

- Исәнмесез, укучылар. Утырыгыз.

2.Артикуляцон күнегү.

Дәресебезне башлар алдыннан ,әйдәгез татар хәрефләрен искә төшереп, телләребезне шомартып алыйк әле. Мин укыганда игътибар белән тыңлагыз.

Слайд

Га-га-га- әйдә киттек бакчага,

Шә-шә-шә- бакчада алма пешә,

Ле-ле-ле- алмасы бигрәк тәмле.

3. Үткән дәресне кабатлау.

-Укучылар ,үткән дәресне искә төшерик әле,без сезнең белән нинди сүз төркемен өйрәнә башладык?(исем сүз төркемен)

-Кемнең исендә калды,исемнәр нинди сорауга җавап бирә?(кем?,нәрсә?)

-Исемнәр нәрсәне белдерә?(предметны)

-Ә кем кагыйдәне әйтеп карый?(кагыйдә әйтелә)

4.Теманы,максатны ачыклау.

-Игътибар белән генә карагыз әле,монда нинди предметлар күрәсез? Икенче төрле болар ничек дип атала? (җиләк-җимешләр)