"Капка төбендә"

Татар халкының тарихы, гореф-гадәтләре, традицияләре, көнкүреш һәм тел үзенчәлекләре халык уеннарында киң чагылыш таба. Татар халкының уеннарын балалар бик тиз өйрәнәләр һәм бик теләп уйныйлар.

Безнең “Гөлбакча” балалар бакчасында тәрбияләнүче нәниләр җырлы – биюле уеннарга өстенлек бирәләр. “Күрсәт әле үскәнем”, “Чума үрдәк, чума каз”, “Түбәтәй”, “Талчыбык”, “Шома бас” һ.б. уеннарын бик яратып уйныйлар. Бу уеннарны бәйрәм кичәләрендә дә, шөгыльләрдә дә кулланабыз. “Нәүрүз”, “Карга боткасы”, “Сабантуй” милли бәйрәмнәре халык уеннарыннан башка узмый.

Уеннардан балалар уңай тәэсир алалар, шулай ук тел байлыгын арттыралар.

Түбәндә балалар бакчасында уздыру өчен “Капка төбендә” дигән күңел ачу кичәсе тәкъдим ителә.