Тест. Жизнь и творчество Гаяз Исхакый.

Хәбәрдарлык күп кенә бикле ишекләрне ачты. Шуның нәтиҗәсендә әдәбиятыбызга күренекле язучы, публицист, драматург Гаяз Исхакый "кайтты". Мәктәп программаларында да Г. Исхакый иҗатын өйрәнүгә шактый вакыт бирелгән. Әйтик, (рус мәктәпләренең татар төркемнәрендә) 5 нче сыйныфта "Кәҗүл читек" , 8 нче сыйныфта "Сөннәтче бабай", 9 нчы сыйныфта "Җан Баевич" , 10 нчы сыйныфта "Ул әле өйләнмәгән иде" әсәрләре өйрәнелә.

Максатым: Күп вакытларын компьютер артында, дөнья челтәрендә үткәрергә яраткан укучыларда язучыларга, аларның иҗатларына карата кызыксыну уяту; татар теле һәм әдәбияты укытучыларына ярдәмлек булдыру; әдәбият дәресләрендә компьютер технологиясен куллану.

Презентация 3 өлештән тора. 1 нчесендә Г. Исхакый турында тулы мәгълүмат тупланган. Аннан 10 нчы сыйныф укучыларына язучы иҗатын өйрәткәндә, язучы турында язма эш эшләгәндә кулланырга мөмкин. 2 нчесе 8, 9 сыйныф укучыларын Г. Исхакый иҗаты белән таныштырганда кулланырга була. Ул беренчесенең кыскартылган, җиңеләйтелгән варианты. 3 нчесе 5 нче сыйныф укучыларын язучы белән таныштырганда кулланырга мөмкин.

Презентациянең 3 нче слайдында Г. Исхакый буенча схема төзелгән. Әлеге схемадан күренгәнчә, без Г. Исхакыйны язучы, тарихчы-галим, тәрҗемәче, публицист, педагог һәм драматург буларак өйрәнәбез. Гиперссылкалар ярдәмендә, мәсәлән, язучы буларак нинди әсәрләр язуын беләбез.Әсәрләр хронологик тәртиптә урнаштырылган. Бу әсәрләрнең язылу тарихы турында күбрәк беләсебез килсә, курсорны шул әсәр өстенә китерәбез дә, кабат гиперссылка белән яңа слайдка чыгабыз. Яңа слайдта әлеге әсәрнең язылу тарихы турында белергә була. Шулай итеп, схеманың һәр түгәрәгенә кереп мәгълүмат алырга була.