Тема:Үзәк универмагта. Исемнәрнең күплек сан кушымчалары.

Материал:Ф.С. Сафиуллина. Татар теле: рус телендә башл. Гомумибелем бирү мәкт. 4нче с-фы өчен дәреслек – Казан:Мәгариф, 2010

“Үзәк универмагта. Исемнәрнең күплек сан кушымчалары”дип аталган дәрескә анатация.

Дәреснең темасы:“Үзәк универмагта. Исемнәрнең күплек сан кушымчалары” дип атала.

Дәреснең максаты:“Үзәк универмагта” темасына караган сүзләр белән танышу, аларны сөйләмдә куллану, исемнәрнең күплек сан кушымчасын искә төшерү, исемнәрне дәрес таба һәм аларга дөрес сорау куя белүләренә ирешү, игътибарлылыкны арттыру, кибеттә үз-үзеңне тота белү кагыйдәләрен искә төшерү, бер-береңә мәхәббәт тәрбияләү.

Дәрес тибы:катнаш

Дәрес оештыру, актуальләштерү, яңа теманы аңлату, ныгыту, йомгаклау өлешеннән тора. Дәрес башында татар телендәге ү авазын һәм хәрефен искә төшерү өчен фонетик зарядка кертү. Бирелгән сүзләрдән темага караган сүзтезмәләр ясау. Яңа теманың исемен кроссворд чишү нәтиҗәсендә белү. Укучыларның яшь үзенчәлекләрен исәпкә алып ял итү күнегүләре куллану. Теманы ныгыту өчен төрле эш алымнары куллану, монологик, диалогик сөйләм төзү. Дәрес ахырында кеченә генә тест эшләү. Дәрес укытучы сөйләме һәм презентация ярдәмендә үрелеп бара.