"Бердәм республика имтиханы һәм дәүләт йомгаклау аттестациясе тапшыру мөмкинлекләре һәм кыенлыклар"- укытучыларның август киңәшмәсендә чыгыш

БРИ һәм ДЙА- ул укучыларның мәктәп курсы өчен дә, шулай ук алга таба укуын дәвам итәчәк уку йортының сынау имтиханын да үз эченә ала. Ә татар теле һәм әдәбияты буенча БРИ һәм ДЙА тапшырып кая керергә мөмкин, бу бүгенгесе көндә кирәкме? Укучы шул сораулар каршында кала. Ләкин ни генә булмасын, укучы татар теле һәм әдәбияты буенча нинди генә формада булмасын, дәүләт имтиханы тапшырырга тиеш.Шуңа күрә, без, мөгаллимнәр, укучыларыбызны үз фәнебезне яратырга, кирәклеген аңлатырга тиешбез. Иҗади биремле изложение яки инша язабызмы, БРИ һәм ДЙА формасында тестлар үтибезме- белем, милли үзаң, горурлык хисе булу кирәк. Шуңа күрә мин, БРИ һәм ДЙА нә әзерләүне түбәндәгеләрдә күрәм:

-дәресләрдә белем генә бирү түгел, ә укучыны эзләнергә өйрәтү;

- ТР Фән һәм Мәгариф министрлыгы үткәргән төрле бәйге, сынауларда катнашу;

- татар милли дөньясы тормышы, яңалыклары белән һәрдаим танышып бару;

- укучыларны вакытлы матбугат, татар дөньясының интернет ресурслары белән һәрдаим таныштырып бару.