Болгар иле: үткәне, бүгенгесе, киләчәге

Хәерле көн, хөрмәтле кунаклар, укучылар, укытучылар. 2012 нче ел Татарстан Республикасының тарихи-мәдәни мирасы елы дип игълан ителде. Бу елны ачып җибәрү чарасы буларак бүген мин сезне әкияттәй гүзәл сихрият дөньясына сәяхәткә чакырам. Халкыбыз күңелендә мәңгегә уелып калган тормышыбызның гаҗәп бай чоры – Болгар чоры бар. Бүгенге чарада борынгы бабаларыбызның үткәненә кайтырбыз, Болгар дәүләт тарихи-архитектура музей-тыюлыгының тарихи һәйкәлләре белән танышырбыз һәм бүгенге көндә аны торгызу кирәклегенә төшенербез. Болгар - безнең бабаларыбызның туган җире, шушы туган җир, туган телебез һәм динебезне саклап калу безнең изге бурыч.