ФИЗИК ВИКТОРИНА
Класстан тыш эшләрнең бу төре мөстәкыйль рәвештә дә, башка төр класстан тыш эшләрнең бер өлеше булып та кулланыла. Викторина өчен кызыклы мәсьәләләр, сораулар, биремнәр сайлана. Викторинаны үзен генә уздырганда андагы мәсьәләләр билгеле тематика буенча сайлана һәм ул физиканың билгеле бер бүлегенә карый. Физик кичә, КВН, конференцияләрдә викторина уздырганда мәсьәләләрнең эчтәлеге төрле булырга мөмкин.
Викторина ике команда арасында (классны икегә бүлеп) уздырылганда җиңүче команда билгеләнә, тулы класс белән уздырылганда һәр укучының җавабы аерым исәпләнә һәм җиңүче укучы билгеләнә.
Викторина — укучылар белән уздырылган физик уеннарның бер төре. Дәресләрдә мәсьәләләрне авыррак чишкән укучылар да викторинада теләп катнашалар һәм уңай нәтиҗәгә ирешәләр. Викторина укучыларның белемнәрен арттыру, тирәнәйтү чарасы да, тәрбия чарасы да.
Автор: Галяутдинова Гульчачак Асхатовна