"Упкынга илтүче юл"

Бүгенге көндә иң актуаль проблема - яшьләрнең бик тиз начар, зарарлы гадәтләргә ияләнеп китүе. Бигрәк тә тәмәке, аракы, наркотик кебек организм өчен зарарлы, турыдан-туры кешене һәлакәткә илтүче агулы матдәләр бүген беркемне дә аямый. Яшьләрне бу адымнан ничек аралап калырга соң? Хәзерге заманда яшьләрне адым саен кисәтеп тору гына ниндидер нәтиҗә бирә, минемчә."Упкынга илтүче юл" дигән исем астындагы класс сәгатенең максаты нәкъ менә яшьләрдә бу начар гадәтләргә карата тискәре караш, ихтыяр көче тәрбияләү, сәламәт яшәү рәвешен пропагандалау. Укучылар класс сәгатенә алдан ук үзләре материаллар әзерләде. Эзләнүләр вакытында ук үзләре өчен ниндидер нәтиҗәләр ясаганнардыр дип ышанам.