2, 3, 4 нче класста " Тапкырлау. Ныгыту" темасына математика дәресе

Татарстан Республикасы Сарман муниципальрайоны

Күтәмәле төп гомуми белем бирү мәктәбе

2, 3, 4 нче класста математикадан ачык дәрес

Тема:”Тапкырлау. Ныгыту”

2009- 2010 нчы уку елы

Дәрес барышы.

1. Белемнәрне тигезләү

Укытучы.Бүген безнең математика дәресе гадәти булмас. Аның темасын сез хәзер үзегез ачарсыз. Моның өчен безгә телдән мисаллар исәпләргә кирәк булыр.

Телдән исәпләү.Карточкада мисаллар . (Хәрефләр һәм җаваплар язылган карточкаларны таблога урнаштырып баралар.)

2 нче класс 3-4 нче класс

2*2= 4-Т 2*4=8-Р 940-900=40-Н

2*5= 10-А 2*1=2-Л 8*7=56-Ы

2*6= 12-П 2*7=14-А 540+30=570-Г

2*9= 18-К 2*3=6-У 850-50=800-Ы

2*8=16-Ы 9*9=81-Т

600-200=400-У

Укытучы. Дөрес, без бүген дәрестә өйрәнгәннәрне ныгытырбыз, мисаллар, мәсьәләләр чишәрбез.

1 нче слайд. Тема белән танышу.

2 нче слайд. 2009.

- Бу санны укыгыз. Ничә урынлы сан? 2009 нчы ел Татарстанда нинди ел дип игълан ителде?(Җаваплар).

3 нче слайд. Эмблема.

- Әйе, укучылар, кеше өчен иң кирәклесе сәламәтлек. Без үз сәламәтлегебез турында үзебез кайгыртырга тиешбез. Моның өчен нишләргә кирәк соң? (Җаваплар)

- Сез барыгыз да спорт ярышлары карарга яратасыз. Спортның кайсы төрләре сезгә күбрәк охшый? (Җаваплар).

- Сезнең циркка барганыгыз бармы? (Җаваплар).

4 нче слайд.

Циркта эшләү өчен ныклы сәламәтлек, күп тырышлык кирәк. Казан шәһәре ерак булса да без бүген циркка барырбыз. Ә сез циркның нәрсә икәнен беләсезме? (Җаваплар).

5 нче слайд. Казан циркы.

2. Уку мәсьәләсен кую.

- Укучылар, цирк – ул тамаша. Ә тамашага керү өчен нәрсә кирәк? (Билетлар).

- Әйе,билетларны алабыз, ләкин урыннарга утыру өчен сезгә мисаллар чишәргә кирәк булыр. (Билетлар артында мисаллар).

3. Уку мәсьәләсен чишү.

6 нчы слайд. Жонглер рәсеме

- Укучылар, сез ничек уйлыйсыз, бу кем? (Туп белән уйнаучы)

- Циркта аларны жонглер дип атыйлар. Жонглер – берничә әйберне берьюлы ыргытып тотып алучы. Жонглер ничә туп тота ала икән? Шушы сорауга җавап эзләрбез. (Тигезләмә язылган карточкалар таратыла).

Экранда тигезләмә чишелеше. 7 нче слайд.

- Димәк, жонглер берьюлы ничә туп белән уйный ала?

- Укучылар, циркта нинди хайваннарның чыгышларын күргәнегез бар? (Җаваплар).

8 нче слайд. Фил рәсеме.

- Укучылар, Фил бер аягында ничә минут басып тора ала икән? Моны белү өчен сезгә экрандагы мисалларны чишәргә кирәк булыр.(Дәфтәрдә эш).

- Күрәсез, фил тырыша-тырыша физик күнегүләр ясаган, югары нәтиҗәләргә ирешкән.

4. Физкульминутка (Күзләргә)

5. -Ял итеп алдык, тамаша дәвам итә.

10 нчы слайд. Клоуннар рәсеме.

-Аренада безне көлдерүче клоуннар. Клоуннарга тапкырлау таблицасын чишәргә ярдәм итик.

11 нче слайд.Тапкырлау мисаллары.

-Нәни кыз ат өстендә. Аның чыгышы катлаулы, шуда күрә бирем дә авыррак булыр.

12 , 13нче слайдлар. Атта кыз рәсеме. Мәсьәлә язылышы.

-3нче класс укучылары белән берлектә чишик.

14нче слайд. Мәсьәләнең кыскача язылышы, чишелеше, җавап.

- Аренада арысланнар да чыгыш ясый. Хайваннар патшасы сезнең белемнәрне тикшерергә уйлаган.

15, 16, 17нче слайдлар.

- Рәхмәт, укучылар. Сез бүген тырышып эшләдегез. Цирк артистлары кебек көчле, нык булу өчен һәр көнне иртән күнегүләр ясарга, спорт белән даими шөгыльләнергә, саф һавада уйнарга, күбрәк хәрәкәтләнергә кирәклеген исегездән чыгармагыз. Сәламәт кеше – матур кеше. Сәламәт тәндә – сәламәт акыл, диләр.

18нче слайд.

6. Рефлекция.

Нәтиҗә ясау.

7. Йомгаклау.

Билгеләр кую.

Өй эшен аңлату.

2 кл., 3 кл., 4кл.

Саннар кулланып, “Циркта” темасына хикәя язарга.