Бәяләмә

Ана теле һәм әдәбияты укытучыларының Бөтенроссия күләмендә үткәрелә торган “Туган тел” мастер класс бәйгесенә

Совет районы 175 нче гомуми урта белем бирү мәктәбенең югары квалификацион категорияле татар теле һәм әдәбияты укытучысы Гаязова Энҗе Фәргать кызына бәяләмә.

Энҗе Фәргать кызы үзенең хезмәт юлын 1995 нче елда Казан шәһәре Мәскәү районы 120нче мәктәптә башлый. 2007 - 2008 нче елларда Мәскәү районының мәгълүмати-методик үзәгендә методист булып эшли. 2008 нче елның 18 нче августыннан педагогик эшчәнлеген Совет районы 175 нче урта гомуми белем бирү мәктәбендә татар теле һәм әдәбият укытучысы буларак дәвам итә. Гомуми педагогик эш стажы 20 ел.

Гаязова Энҗе Фәргать кызы - югары дәрәҗәдә гомуми һәм һөнәри культурага ия, мәгариф менеджменты өлкәсендә тирән белемле, укыту һәм тәрбия бирүнең заманча проблемаларын белүче, заман мәктәбенең укыту-тәрбия бирү процессын оештыруга новатор карашы белән яңача якын килеп эшләүче укытучы.