Суган утырту проекты.

“Суган утырту.”

Проектның этаплары:

Проектның максаты:

План-схема

№

Эшнең эчтәлеге

1

Февраль

Үсемлекләргә савыт, туфрак әзерләү.Суган, борчак, су әзерләп кую, утырту.

Утырткан үсемлекләрне күзәтү, су сибү.

2

Март

Утырткан үсемлекләрне күзәтү, су сибү. Чагыштыра, аера белү. Шигырьләр, табышмаклар өйрәнү. Әкиятләр карау.

3

Апрель

Май

Бакча яны участогында да,өйләрендә дә үстергән яшелчәләрне күзәтү.

Тәҗрибә үткәрү: “Суган утырту”

Бурычлар:

1. Балаларда суган үстерү теләге тудыру, хезмәткә хөрмәт тәрбияләү.

2. Балаларда логик фикер йөртү күнекмәләре үстерү.

3. Суганның файдалы яшелчә икәне турында төшенчә бирү, суган үстерү турында белемнәрне тулыландыру.

Сүзлек: Җылылык, яктылык, итләч, йомры.

Җиһазлар: туфрак, тартма, утырту өчен суганчалар, сулы лейка, тартмада һәм түтәлдә үскән суган рәсемнәре.

Эшчәнлек барышы:

1. Рәсемнәр карау ( түтәлдә һәм тартмада үскән суган рәсемнәре.)

- Бу рәсемнәргә карап, сез нәрсә әйтә аласыз?

- Яшелчәләрне түтәл ясап кайсы вакытта утырталар?

- Тартмада суган утыртуның нинди уңай ягы бар?

- Суган үсен өчен нәрсәләр кирәк? ( яктылык, җылылык, су )

2. “ Табышмак әйтәм – җавабын тап ”

А) Кечкенә генә йорт, эче тулы корт. (кыяр)

Б) Өсте яшел, асты кызыл, җирдә үсә. Ул нәрсә? (кишер)

В) Кат-кат тунлы, карыш буйлы. (кәбестә)

Г) Җир астында җиз бүкән, ул ни икән? (бәрәңге)

Д) Туп түгел – түгәрәк, тычкан түгел койрыклы. (чөгендер)

Е) Итләч, йомры, яшелен, өзеп алдым, яшердем.

Гаҗәпләндем бераздан – кояшсыз да кызарган .( помидор)

Ж) Үскәндә яфрагын ашыйлар,

Үсеп җиткәч, үзен ашыйлар. (суган)

. Үстерешле диалог. ( суган үзенчәлекләрен әйтү)

- Ул нинди формада? - Нинди төстә?

- Катымы, йомшакмы? - Тәме нинди?

- Суган ни өчен кирәк? - Суганның файдасы нинди?

- Суганнан нинди ризыклар пешереп була?

4.Суган утырту. Балалар белән бергәләп суган утырту. Суган утырту тәртибен сөйләмдә ныгыту.

5. Сузле – хәрәкәтле уен: “Аш пешерү .”

Ярдәм көтеп тормыйбыз,

Яшелчәләр турыйбыз,

Чиста итеп юабыз,

Бераз кишер кырабыз,

Ваклап суган турыйбыз.

Тозлап майлап алабыз.

Яхшылап болгатабыз,

Бигрәк тәмле ашагыз.