“Яхшылык эшләргә ашык!”

“Яхшылык эшләргә ашык!” темасына

7а сыйныфында сыйныф сәгате

Максат: укучыларда кешелеклелек, шәфкатьлелек, миһербанлылык сыйфатлары, иҗади фикерләү сәләте тәрбияләү.

Материал: Ф. Яруллин шигырьләре; “Татарстан яшьләре” газетасы, 2005, 25 нче март; Р. Маликовның “Гадәт китмәс” кулланмасы. – Казан: КДПУ нәшрияты, 1997.

Сыйныф сәгате барышы

Әгәр һәркем явызлыкка каршы

Гел явызлык кына эшләсә,

Шәфкать кылычы тотып явызлыкның

Юлларына каршы төшмәсә,

Яхшылыклар күптән үләр иде,

Калыр иде бары үч, нәфрәт.

Җаннарында кояш йөрткәннәргә,

Кичерә белгәннәргә мең рәхмәт.

Үч, нәфрәт яхшылык

Кояш

Җан

“Берничә кеше мосафир булып бер шәһәргә килгән һәм шәһәр халкына:” Шәһәрегезнең яхшылары кемнәр дә усаллары кемнәр икәнлеген ике көндә белдек, чөнки үз арабызда яхшылар һәм усаллар үзебезгә мәгълүм иде. Шуларның һәрберсе сезнең шәһәр халкыннан үзләренә иш тапты”, - дигәннәр.”

Һич яхшылык эшли алмасаң син

Кешеләргә бик-бик теләп тә, -

Яхшы теләк телә,

Ул да кайчак

Зур көч өстәп куя йөрәккә, - дип яза Ф. Яруллин. Димәк, бүгенге сыйныф сәгатендә нәрсә турында сөйләшәбез?

- Мәкалә ни өчен “Мәрхәмәтлелек” дип атала?

- Ни өчен хуҗаларның йортыннан җанга җылылык сирпелеп тора?

- Тормышта бу вакыйгага охшаш хәлләр белән очрашканыгыз бармы?

- Йортына эт, мәче алып кайтучыларга нинди киңәшләр бирер идегез?

- Мәрхәмәтлелек сүзеннән күңелгә рәхәт була алырлык нинди матур сүзләр төзи аласыз? (Укучылар сүзләр уйлыйлар.)

- Рәхмәт, рәхәт, тәмле, хәлле, мәрхәмәт, тәхет, теләк, келәт, мәк һ.б.

4. Берничә тест биременә җаваплар биреп, үзебезне тикшереп карыйк.

(Укучыларга Р. Маликов кулланмасыннан тест биремнәре өләшенә, җаваплар тыңлана.)