"Своя игра" по творчеству удмуртской поэтессы Людмилы Кутяновой

1. Ужрадлэн темаез - «Чагыресь пилемъёс – малпанъёс…», сиземын Людмила Кутяновалэн творчествоезлы. 2013-ти арын 16-ти шуркынмонэ кылбурчилы 60 арес тырмысал.

2. НТВ каналын туж тунсыко передача вань – «Своя игра». Та передача вылэ пыкиськыса, ми но кылдытим Людмила Кутяновалэн творчествоезъя таче формаен йырвизьсынан.

3. Валтись ужпумез ( целез) – Людмила Кутяновалэн творчествоез шоры портэм сямен учкон

4. Ужрадлэн мугъёсыз: нылкышно кылбурчилэсь улон-сюрессэ огазеяны но систематизировать карыны быгатон, аслэсьтыд малпандэ шонер вераны дышетскон, чош дышетскись эшъёсыныд одиг кыл шедьтон, мукет мнениез гажаны дышетскон, шаерысьтымы удмурт кизиосын данъяськон.

5. Целевой аудитория: ужрадэз луоз ортчытыны 6-11-ти классъёсын дышетскисьёс полын, кытын удмурт кылэз дышето кыкети кыл чотын, 9-11-ти классъёсын дышетскисьёсын.

6. Кулэ луись тирлык: компьютер, мультимедийной проектор, экран, проигрыватель.

7. Ужрадлэн мынэмез.

Ужрад чакламын Людмила Дмитриевналэсь творчествозэ эскерем бере ортчытыны ( урокъёсын-а, факультативын яке кружокын). Соин ик кыче арлыдъем нылпиосын ортчоз та йырвизь сынан, дышетись ачиз бырйыны кулэ ( вань факторъёсты лыдэ басьтыса). Ми дэмласьком удмурт кыллы сизем арня вискын ортчытыны та ужрадэз. Кылбурчилэн ужъёсыныз адзытон радъямын, чузъясько кырзанъё ( кырзан луэм кылбуръёс), кылбуръёсъя лэсьтэм суредъёсын адзытон дасямын ( ваньзэ тае юртто дасяло нылпиос ).

«Своя игра» шудонын вожвылъяськозы вить параос ( яке вить нылпи, класслэсь аспортэмлыксэ лыдэ кутоно). Умойгес луоз асьсэ мылкыдзыя шудисьёсты бырйыны. Озьыен, валтись шудисьёс вить пар ( 10 нылпи), одиг дышетскись, кудиз гожъялоз баллъёсты доска вылэ ( шудисьёслэсь нимъёссэс гожъяса дасяно азьланяз ик) но шудонэз нуись ( дышетись яке бадзым классын дышетскись). Мукет нылпиос «висисьёс» чотын, но шудись пар уг быгаты ке валэктон сётыны, «висись» быгатэ аслэсьтыз валэктонзэ вераны но баллъёс люканы, жынызэ, мылкыд каремезъя, быгатэ сётыны парлы, кудиз шугъяськиз валэктон сётыны ( кылсярысь, юанлэн дуныз 20 бал, «висись» быгатэ 20-зэ ик аслыз кельтыны, яке 10 бал кузьмана, кинлы юрттиз).

Кызьы шудоно? Экранын возьматэмын юанъёс но соослэн дунзы.

Биография

10

20

30

40

50

Кылбуръёс-кырзанъёс

10

20

30

40

50

Йылпумъя чурез…

10

20

30

40

50

Лыдпусъёслэн дуннеязы

10

20

30

40

50

Сяськаос-будосъёс

10

20

30

40

50

Нимъёс

10

20

30

40

50

Пар бырйыны кулэ юан, шуом, «Нимъёс» 40, дышетись (яке мукет юрттись компьютер возын) шырен зибе со юан вылэ. Потэ юан. Шудись парлы 1 минут сётиське малпаськыны, соос кенешо, быгато соку ик валэктон сётыны. «Enter» кнопкаез зибыса потоз шонер валэктон. Выльысь юанъёсын таблицае вуон понна, кулэ «шырен» зибыны гожтэм баллъёс вылэ ( потэ «ки»). Кызьы верам вал ни, пар уг быгаты ке ответ сётыны, «висисьёс» юрттозы. Шудись паръёслэсь борсьысь борсе мынэмзы ( поочередность) жребий возьматоз. Вормозы тужгес выли баллъёсын пиналъёс.

( Котькуд дышетись та шудонлэсь катъёссэ ( правилооссэ) воштыны быгатоз, аслэсьтыз классэ лыдэ басьтыса)

8. Приложение.

Уже кутэм литература:

1. Кутянова Л. Со аръёс. Ижевск : Удмуртия, 1991.

2. Кутянова Л. Тон-а со? Ижевск : Удмуртия, 2010.

3. Киям крезе, сюлмам – кырзанэ. Ижевск : Удмуртия, 2009.

4. Удмурт кизилиос. Ижевск : Удмуртия, 2007.

5. Фёдорова Л.П. Удмурт нылкышно кылбуретлэн тулкымъёсыз. Ижевск : Удмуртия, 2007.

6. Чернова Т. Н. Чашъён сяська // Удмурт дунне. – 2009. – 7 авг. – С. 12

Л. Кутяновалэн куд-ог кырзан луэм кылбуръёсыз:

1. Басьты шаль. Крезьгурез О. Зориналэн

2. Берпуметиез вальс. Крезьгурез Г. Бекмановлэн

3. Белая лилия. Берыктиз В. Емельянов. Крезьгурез Н. Уткиналэн

4. Витьы монэ. Крезьгурез Н. Уткиналэн

5. Дисьтонэ мынам изе ай… Крезьгурез В. Бекмановалэн

6. Зарни бугоре. Крезьгурез Н. Уткиналэн

7. Зорые. Крезьгурез Н. Уткиналэн

8. Йонато. Крезьгурез О. Зориналэн

9. Лымыя. Крезьгурез О. Зориналэн, В. Крестьяниновлэн

10. Мар дауртид? Крезьгурез А. Корепановалэн

11. Нош мар каром? Крезьгурез В. Бекмановалэн

12. Тон-а со? Крезьгурез М. Оськинлэн

13. Тон но йоно. Крезьгурез О. Зориналэн

14. Тон ваньзэ тодиськод. Крезьгурез А. Корепановалэн

15. Чагыресь синъёс. Крезьгурез А. Анкудиновлэн

16. Чебере мынам. Крезьгурез Г.Ганьковлэн

17. Яркыт кизили медаз кысылы. Крезьгурез Н. Уткиналэн