Аяз Гыйләҗевнеӊ “Язгы кәрваннар” повесте. 8 нче сыйныфта әдәбият дәресе.

Традицион укыту системасыннан аер­малы буларак, коммуникатив технологияләр нигезендә (федераль дәүләт белем бирү стан­дартларына нигезләнеп ) Аяз Гыйләҗевның “Язгы кәрваннар” әсәре буенча 8 сыйныфта татар әдәбияты дәресенең төп үзенчәлекләре түбәндәгеләр:

Дәреснең темасы: “Сугыш чоры балаларының батырлыгы һәм сугыш китергән афәт”

Төп максат – укучы шәхесенең ин­теллектуаль, рухи, физик үсеше, аның кызыксынуын формалаштыру.

Җихазлау: - төп ресурслар: А. Гыйләҗевнең “Язгы кәрваннар” әсәре, әдәбият дәреслеге;

- өстәмә ресурслар: тест, ноутбук, проектор, дәрес өчен призентация.

Дәрес эчтәлеге – теманың тормыш белән бәйлелеге, дөньяны танып-белүгә әһәмиятле булуы.

Белем бирүгә этәргеч көчләр – ижат итү, үз үсешеңне күрү, белемне арттырырга омтылу, үз-үзеңә ышаныч, гамь уянуы.

Эш ысуллары һәм формалары – бергәләп эзләнү, әңгәмә, укытучы һәм укучы ара­сында эшлекле мөнәсәбәт.

Дәресне оештыру – сорауларга җавап эзләү, тормыш белән бәйле иҗади кү­негүләр эшләү.

Укытучы – ярдәмче, дус, киңәшче, юнәлеш бирүче. Аның төп бурычы – укучы­ларны уку мәсьәләләрен хәл итү процессы­на дөрес җәлеп итү, кызыксындыра белү.

Төп нәтиҗә – укучының белемен яңа ситуациядә мөстәкыйль куллануы, хата­ларын күрүе, үз-үзен бәяли белүе.

Дәреснең якынча структурасы:

- теоре­тик материал өйрәнү буенча һәм тәр­бияви, үстерүче максатлардан чыгып лексик тема алына: “Сугыш чоры балаларының батырлыгы һәм сугыш китергән афәт”

- дәрескә максат һәм бурычлар кую: өйрәтү, тәрбияви, үстерү;

- эшне оештыру: җиһазлау, эш формалары, УУГ, көтелгән нәтиҗә;

Дәрес барышы:

- оештыру моменты (эшчәнлеккә әзерлек);

- кызыксындыру;

- өй эшен тикшерү;

- дәрес темасын ачу;

- актуальләштерү;

- үзләштерелергә тиешле материал;

- ныгыту;

- йомгаклау;

- рефлексия (дәрес нәтиҗәсе);

- өй эше бирү.