1 нче сыйныфта татар теле дәресе. "Баш хәрефтән башланып языла торган сүзләр".
Мин 1 нче сыйныфның татар төркемендә белем алучы укучылар белән эшлим. Укучылар балалар бакчасыннан ук матур итеп татарча сөйләшергә өйрәнеп килделәр. Дәресләрдә алар белән эшләве бик рәхәт. Алар бик тиз итеп татарча физминуткалар, кыска шигырьләр, тизәйткечләр өйрәнделәр. Дәресләрдә татар халык иҗатын да киң кулланам. Мәкальләр өйрәнү, табышмаклар чишү, тизәйткечләр кабатлау укучыларның бәйләнешле телен баетуга ярдәм итә. Матур язу күнегүләрен язганда, билгеле бер хәреф кергән сүзләр, җөмләләр уйлауны төрле уеннар формасында уздырырга тырышам.
Дәресләргә әзерләнгәгдә универсаль уку гамәлләренә таянып эшлим. Бу гамәлләрнең үсеше булганда укучының формалашуы төрле яклы хәл ителә.
Тәкъдим ителгән татар теле дәресендә яңа тема өстендә эшләү слайдлар ярдәмендә, мультимедиа проекторы ярдәмендә оештырыла. Укучыларга ззләнүгә мөмкинлек тудыру максатыннан, дәреслектәге күнегүләр, рәсемнәр файдаланыла.
Автор: Габдуллина Гюзель Шаукатовна