проект к 70 летию победы

“Җиңү бәйрәме”
беренче кечкенәләр төркемендә социаль – күзаллау проекты .

Төзүче авторлар: Нигматзянова А.Р.

Проектның үтәлү вакыты: озын вакытлы (март-май 2015 ел).

Катнашучылар: 2 нче номерлы, 1 кечкенәләр төркеме балалары.

Проектның тибы: социаль-күзаллау.

Проектның максаты: Балаларга Бөек Ватан сугышы һәм Совет иленең дошманнарны җиңүе турында мәгълүмат бирү.

Проектның бурычлары:

1. Бөек Ватан сугышы турында төшенчә бирү.

2. Балаларда илебез тарихына карата кызыксыну уяту.

3. Үз илеңә һәм халкыңа карата горурлык хисләре булдыру.

4. Туган илебезгә, сугышта катнашкан әби-бабайларыбызга карата ярату һәм мәрхәмәтлелек сыйфатлары тәрбияләү.

Проектның актуальлелеге:

Бүгенге көндә балаларның әхлаклылык сыйфатлары түбән дәрәҗәдә, өлкәннәргә карата ихтирам хисләре формалашмаган булуы, аларның илебезнең тарихын белмәве, шушы матур тыныч көннәр өчен әби-бабайларыбызның үз гомерләрен куркыныч астына куеп көрәшүләре, “Җиңү көне” турында аз мәгълүмат алулары.Һәм без шушы проект аша балаларны кечкенәдән “Җиңү көне” турында белемнәрен арттырабыз.

Проектның үтәлеш этаплары

Әзерлек этабы

Эчтәлек:

1. Проектның планын төзү.

2. Тема буенча методик кулланмалар карау, өйрәнү.

3. Күрсәтмә әсбаблар, матур әдәбият әсәрләре, темага карата җырлар, бию элементлары әзерләү.

4. Балалардан сорау “Нинди көн ул җиңү көне?”

5. Әти-әниләрне “Балаларга сугыш афәте турында” дигән стенд әзерләүдә катнаштыру (балалар белән бергә рәсемнәр ясау).

Төп этап

1. Әңгәмә уздыру. “Нәрсә ул сугыш? Кемнәр һәм ничек итеп илебезне дошманнардан саклаганнар”. “Җиңү көне”-нинди көн ул? Һәм кайчан билгеләп үтелә?

2. Балалар белән сугыш турында рәсемнәр карау(презентация).

3. “Сугыш турында”, “Җиңү көне” турында шигырьләр, хикәяләр уку.

4. Стенд “Балаларга сугыш афәте турында” ясау. (балалар белән карау, әңгәмә уздыру).

5. Мәкальләр, әйтемнәр, шигырьләр өйрәнү. “Бердәмлектә көч”.

6. Рәсем төшерү: “Ветераннарга чәчәкләр”, “Җиңү салюты”

7. Әвәләү: “Сугыш чоры самолетлары”, “Танклар”.

8. Сюжетлы-рольле уеннар “Моряклар”, “Разведчиклар”.

9. Хәрәкәтле уеннар: “Очучылар”.

10. Музыкаль сәләтләр үстерү: “Моряклар” биюенең 2-3 элементын өйрәнү, Сугыш җырларыннан өзекләр тыңлау “Нәни Чапай”, “Җиңү көне”.

11.Дидакти уеннар: “Аермасын тап”, “Нәрсә җитми?”, “Үрнәк буенча төзе”.

1. Әңгәмә: “Җиңү көне” турында нәрсәләр белдегез?

2. Күңел ачу: “Без булачак солдатлар”

Йомгаклау этабы

“Без булачак солдатлар” ял кичәсенең конспекты.

Катнашалар: 1 нче кечкенәләр төркеме балалары.

Җиһазлар:хәрби форма, һәр балага солдат пилоткалары, озын бау, кеглилар, боҗралар, 1 зур туп, уенчык самолет, шишкалар, магнитофон, аудиотасма марш һәм сугыш еллары җырлары, хәрби пакет, җиңү медальләре.

Максат: Балаларның физик үсеш дәрәҗәләрен үстерү, ныгыту. Кечкенәдән аларда патриотик хисләр тәбияләү.Үз туган илеңә, илебез сакчыларына карата горурлык хисләре тәрбияләү, аларга охшарга тырышу теләге уяту.

Барышы: Марш астында балалар залга керәләр һәм 1 колоннага тезелеп басалар. Аннан “Бравые солдаты” җыры астында залга хәрби киемнән солдат керә, честь бирә.

Солдат: Исәнмесез, кечкенә солдатлар.Сез минем кечкенә ярдәмчеләрем.Миңа сездән ярдәм кирәк. Хәрби штатта сейфтан документлар юкка чыкты, һич кичекмәстән аларны эзләп табарга һәм командирга тапшырырга кирәк.Сез бүген хәрби биремнәр үтәргә, миңа ярдәм итәргә әзерме? Башлыйбызмы?

1 нче бирем: “Чәнеккеле чыбык аша чыгу һәм дошман танкын юк итү” (Балалар бау астыннан шуышып чыгалар һәм граната алып дошман танкына аталар).

2 нче бирем: “Дошман самолетын юк итү” (бауга эленгән самолетны шишкалар белән атып төшерү).

3 нче бирем: “Сазлык аша чыгу”(балалар җиргә куелган зур боҗраларны әйләнеп, кечкенәләре аша сикереп чыгарга тиешләр).

4 нче бирем: “Снарядны бир”( зур тупны бер-берсенә бирү).

5нче бирем: “Разведчиклар”(яшерелгән флагларны һәм хәрби пакетны эзләп табу).

Солдат: Булдырдыгыз дусларым, хәрби пакет табылды. Рәхмәт сезгә, балалар. Ә хәзер әйдәгез бергәләп хәрби “самолетлар”да утырып очыйк.

Хәрәкәтле уен “Хәрби самолетлар” .

Солдат: Булдырдыгыз, молодцы!Барлык биремнәрне дә югалтуларсыз, төгәл итеп үтәп чыктыгыз һәм хәрби пакетны табарга ярдәм иттегез, җитез, кыю икәнсез.Безгә мондый солдатлар бик кирәк.Тизрәк үсеп безгә алмашка килерсез.Ә хәзер мин сезгә тырышлыгыгыз өчен җиңү медальләре тапшырам.

(Солдат балаларга медальләр тапшыра).

Солдат:Кечкенә солдатлар! Ровняйсь! Смирно! Атлагыз минем арттан. “Бравые солдаты” җыры астында балалар залдан чыгалар. Ял кичәбез шуның белән тәмам.

Безнең эшләр